35 urte asko dira. Zer esanik ez negozio batentzat. Une goxoa bizi duen jatetxe batentzat. Eta izate hori bera, ibilbide luze hori, ospatu nahi izan du asteazken honetan Donostiako Aratz erretegiak, lagun eta bizilagunez inguratuta. Betiko sukaldea eta giro familiarra (hori bai, euskalduna eta realzalea) izan dira betidanik erretegiaren eskaintza nagusia eta gaurkoan ere horren inguruan bildu ditu gertukoak.
Lagunei deialdia zabaldu zieten Zabaleta familiako kideek, eta ehunka batzuk agertu dira. Aurpegi ezagun ugari ere bertaratu dira urteurrena ospatzera. Izan ere, Ibaetako txoko hau elkargune izan da hamarkadetan zehar eta gaurkoan ezin zuten hutsik egin.
Gaur ere «kriston martxa» ibili dute bertaratutakoek, Fermin Muguruzaren ‘Sarri, Sarri’ abestiaren erritmoan, bideoan ikusi daitekeenez.
Aratz Jatetxearen 35. urteurreneko festan kriston martxa dabil.
— GARA Iñaki Soto (@gara_isoto) November 13, 2024
Zabaletatarrek lagunak deitu dituzte, eta dozenaka azaldu gara jan, edan eta ospatzera.
Zorionak, mila esker eta aurrera bolie! pic.twitter.com/Gwuo7sCPfU
Ospakizun urtea dute, beraz, 2024 hau. Gaurkoan festa nagusia izan badute ere, uda aurretik ere 50 bat sortzaile bildu zituzten mahai baten inguruan, izan ere Elkar ekoizetxeko estudioetatik maiz gerturatzen dira bertara indarrak hartzera. Han aurkeztu zuten urteurrenerako edalontzi berezi bat, Mikel Laboaren irudi berezi batekin.
Eta aurrera begira ere badute beste egitasmo bat: euren historia kontantzen duen liburu bat. Izan ere badago zer kontatu. Eta gaurkoan erakutsi dutenez, zer ospatu.
«Guk badaukagu hemen gospel propio bat izugarri aberatsa dena»
La Mano de Irulegi ya se puede visitar en el Museo de Nafarroa con nueva posible interpretación
Marrazo muturluze bat markatu du Aztik lehen aldiz Bizkaiko Golkoan
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
