LEHENENGO ERA
Osagaiak 4 lagunentzat
800 g bruselaza, tipula erdia, 3 baratxuri ale, olioa, gatza, piperbeltz beltza.

Zailtasuna                               2

1. Bruselazak urarekin garbitu eta lehortu, dituzten kanpoko hostoak eta zurtoina kendu. Handiak badira erditik moztu.
2. Eltze batean ur ugari eta gatza  berotu. Irakiten hasten denean, Bruselazak sartu eta 3 minutuz egosi, ez dute gehiegi egin behar. Xukatu eta ondo lehortu.
3. Zartagin batean olio zurrusta bat berotu eta txikitutako tipula erregosi.
4.  Azak gehitu eta 2 minutuz arin erregosi.
5. Txikitutako baratxuriak gehitu eta minutu batez edo erregosi, baratxuriak gorritu arte. Gatza eta piperbeltz beltza bota.

BIGARREN ERA
Osagaiak 4 lagunentzat
800 g bruselaza, tipula bat, sagar bat, olioa, gatza, pierbeltz beltza, albahaka.

Zailtasuna                            2

1. Bruselazak aurreko errezetan esan dugun bezala prestatu eta egosi.
2. Zerrendatan moztutako tipula olio pixka batekin erregosi, su eztitan.
3. Sagarra zuritu eta dado txikitan moztu. Tipularekin batera jarri eta 5 minutuz edo erregosi, sagarra bigundu arte.
4. Azak gehitu eta gatza eta piperbeltz beltza bota. 2 minutuz arin erregosi.
Plateretan azak jarri eta gainetik txikitutako albahaka bota.