Otarrainxka frijitu kanapeak

LEHENENGO ERA
Osagaiak 4 lagunentzat
16 otarrainxka, 100 g arroz fideo, arrautza, olioa, gatza. Saltsa: arrautza bat, 200 ml olio, ozpina, koilarakada bat soja saltsa.

Zailtasuna                           2              

1. Otarrainxkak zuritu eta barruan daukaten hari beltza kendu. Gatza bota.
2. Arroz fideoak uretan 15 minutuz beratzen utzi. Ondo xukatu.
3. Otarrainxkak fideoekin bildu eta arrautzatik pasatu.
4. Zartagin batean olio ugari berotu eta otarrainxkak frijitu. Paper baten gainera atera.
Saltsa honekin lagundu:
1. Arrautza eta ozpin tanta batzuk irabiagailuarekin nahasi.
2. Olioa apurka-apurka bota eta etengabe irabiatu. Soja saltsa bota eta nahastu.

BIGARREN ERA
Osagaiak 4 lagunentzat
16 otarrainxka. Marinada: 2 baratxuri ale, limoi baten zukua, 2 koilarakada soja saltsa, koilarakada bat ezti, koilarakada bat olio, jengibre pixka bat. Orea: 100 g irin, arrautza bat, 100 ml esne, 50 ml ur, olioa, gatza.

Zailtasuna                             2

1. Otarrainxka zuritu eta haria kendu. Marinadaren osagaiak nahastu eta otarrainxkak sartu, 3 orduz beratzen utzi. Salda xukatu.
2. Orearen osagaiak nahastu.
3. Otarrainxkak oretik pasatu eta olio berotan frijitu.
4. Salda sutan jarri eta ur pixka batean urtutako arto irin pixka batekin egosi, saltsa loditu arte.