Gazteen artean elikadura-nahasmenduak areagotu dira pandemiaren ondorioz, pediatren arabera

Modu «kezkagarrian» areagotu dura elikadura-nahasmenak haur eta nerabeen artean azken urteotan, bereziki covid-19aren eta konfinamenduaren eraginez, Espainiako Lehen Mailako Arretako Pediatra Elkartearen (AEPap) 18. Kongresuan adierazi dutenez.

Espainiako Lehen Mailako Arretako Pediatren 18. Kongresuan azaldu dutenez, haur eta nerabeen artean elikadura-nahasmenduek «igoera kezkagarria» jasan dute pandemiaren eraginez. Faktoreen artean, adituek fisikoari buruzko iruzkin negatiboak eta bizi-aldaketa garrantzitsuak nabarmendu dituzte.

Eva Escribano, Madrilgo Niño Jesus Unibertsitate Ospitaleko Nerabeen Unitateko pediatra arduradunak, eta Raquel Jiménez, ospitale bereko Pediatria atalburuak, kongresuan azaldu dutenez, elikadura-nahasmenduen eragileak gurasoen banaketa, ikasketak atzerrian, jazarpen egoerak, nahi ez den sexu esperientzia eta pubertaroa izan ohi dira, besteak beste.

Hala ere, sare sozialek «nabarmenki» eragiten dute gazteen artean. Universitat Oberta de Catalunyak eta eSalud Sin Bulos guneak egindako ikerketen berrikusketaren arabera, «Instagram erabiltzeak elikadura portaerako nahasmenduak izateko arriskua areagotzen du». Madrilgo doktoreek zehaztu dutenez, sareen eragina «eskuraezina den edertasun estandar bat eskatzeagatik edo ‘probulimia’ eta ‘proanorexia’ erakusteagatik» dira kaltegarriak.

«Lehen mailako arretako pediatrek berebiziko garrantzia dute nahasmendu hauen identifikazio goiztiarrean alarma seinaleak aurki dezaketelako, eta gurasoek seme-alabekin sareetako edukiei buruz hitz egin behar dute, horiek dakartzaten arriskuei buruz eta haiekiko esposizio denbora mugatzeari buruz, pertsonen arteko zuzeneko harremanak sustatuz», azaldu dute Escribanok eta Jimenezek.

Osasun mentaleko profesionalen esku-hartzea

Hala ere, adituen arabera, elikadura nahasmenduen jarraipena ez dagokie soilik pediatrei: «Osasun mentaleko dispositiboetara iristeko aukera hobetu behar da, batez ere arloko osasun mentaleko zentroetan».

Horrela, osasun mentaleko profesionalen esku hartze goiztiarra eta jarraia izatea «erabakigarritzat» jo dute. Baita pediatren prestakuntza nahasmendu horiei aurre egiteko; eta haur eta nerabeentzako prebentzio-programa gehiago garatzea ere.

«Elikadura etorkizuneko osasunaren gakoan da»

«Dieta egitea faktore aurrekari garrantzitsuena da, zenbat eta luzeagoa izan iraupena eta intentsitatea orduan eta eragin handiagoa dauka», adierazi dute Jimenez eta Escribano doktoreek elikadura nahasmenduen garapenean eragina duten faktoreei buruz.

Hori dela eta, «lehen mailako arretako pediatria-kontsultetatik beharrezkoa da egunean 4-5 otordu egitearen garrantzia transmititzea, adinari egokitutako kopurua, bai eta egunero jarduera fisikoa egitea eta pantailen eta jarduera sedentarioaren denbora murriztea ere», ohartarazi dute kongresuan. Horrek guztiak, gaineratu dutenez, «haurtzaroan elikadura osasuntsua lortzeaz gain, eragin handia izango du etorkizuneko helduen osasunean».