Oilasko izterrak perretxikoekin

LEHENENGO ERA
Osagaiak 4 lagunentzat
4 oilasko izter, tipula bat, 2 azenario, tomate heldu bat, 200 g perretxiko, ardo zuria, irina, olioa, piperbeltz beltza, gatza.

Zailtasuna                        2               

1. Oilaskoari gatza eta piperbeltz beltza bota eta irinatik pasatu.
2. Zartagin batean zurrusta bat olio berotu eta izterrak gorritu.
3. Eltze batean txikitutako tipula eta azenarioa oilaskoa frijitu dugun olio pixka batekin erregosi.
4. Zatitutako tomatea eta perretxioak gehitu eta erregosi.
5. Izterrak, zurrusta bat ardo eta baso bat ur bota. Estali eltzea eta 35-40 minutuz egosi.
6. Oilaskoa atera eta barazkiak irabiagailuarekin nahasi. Izterrak eta saltsa 2 minutuz egosi.

BIGARREN ERA
Osagaiak 4 lagunentzat
4 oilasko izter, 2 baratxuri ale, tipula bat, 2 tomate heldu, 350 g perretxiko, olioa.

Zailtasuna                        2               

1. Oilaskoa zatitu eta gatza bota.
2. Baratxuriak, perrexila eta olio pixka bat irabiagailuarekin nahasi. Oilaskoari gehitu, nahastu eta 2 orduz beratzen utzi.
3. Zartagin batean olio ugari berotu eta oilaskoa frijitu.
4. Txikitutako tipula olio pixka batekin erregosi.
5. Tiratan moztutako perretxikoak gehitu eta erregosi.
6. Tomateak zuritu eta birrindu. Barazkiekin batera jarri eta erregosi. Gatza bota.
Plateraren alde batean oilasko jarri eta bestean, barazkiak.