Txahal bularki bilduak

LEHENENGO ERA
Osagaiak 4 lagunentzat
12 txahal xerra fina, tipula bat, 3 baratxuri ale, ardo beltza, salda, irina, olioa, gatza. Betegarria: tipuleta bat, pipergorri erdia, azenario bat.

Zailtasuna                        2               

1. Txikitutako tipuleta olio pixka batekin 2 minutuz erregosi.
2. Tira finetan moztutako piperra eta azenarioa gehitu eta minutu batez erregosi.
3. Txahal xerra bakoitzaren gainean barazkiak jarri.
4. Bildu, gatza bota eta txotxekin lotu. Irinetik pasatu.
5. Eltze batean zerrendatan moztutako tipula eta baratxuriak olio pixka batekin erregosi.
6. Ardoa, bilduak eta salda bertan sartu, estali eta 50 minutuz egosi.
7. Bilduak atera eta txotxak kendu. Saltsa irabiagailuarekin nahasi eta bilduekin 2 minutuz egosi.

BIGARREN ERA
Osagaiak 4 lagunentzat
12 txahal xerra fina, baso bat bermuta, salda, irina, olioa, gatza. Betegarria: baratxuri ale bat, 50 g hirugihar, 150 g gazta Ricota, 12 hosto ziazerba.

Zailtasuna                        2               

1. Txikitutako baratxuria eta hirugiharra gaztarekin nahastu.
2. Txahal xerra bakoitzaren gainean ziazerba hosto bat eta aurreko nahasketa pixka bat jarri.
3. Bildu, gatza bota eta txotxekin lotu. Zartagin batean olio pixka batekin gorritu.
4. Eltze batean bilduak, bermuta eta salda jarri. Estali eta 50 minutuz egosi.