Labean gainerretako antxoak

LEHENENGO ERA
Osagaiak 4 lagunentzat
Kilo bat antxoa, 2 baratxuri ale, perrexila, koilarakada bat Jerez ozpin, 5 koilarakada olio, itsas gatza.

Zailtasuna                        2               

1. Antxoak garbitu eta burua kendu. Hezurrak kendu eta bizarrak moztu. Uretatik pasatu eta lehortu.
2. Azpil batean hurrenez hurren gatza, antxoak eta gatza jarri. Hozkailuan bi orduz sartu. Atera eta gatza kendu.
3. Baratxuriak, olioa, ozpina eta perrexila irabiagailuarekin nahasi.
4. Azpil batean antxoak jarri eta gainetik aurreko saltsa bota.
5. Labe beroan gainerre, 200 gradutan, 40 segundutan.

BIGARREN ERA
Osagaiak 4 lagunentzat
Kilo bat antxoa, tipula bat, 450 g tomate heldu, 2 baratxuri ale, olioa, gatza

Zailtasuna                             2

1. Antxoak garbitu eta burua kendu. Hezurrak kendu eta bizarrak moztu. Uretatik pasatu eta lehortu.
2. Txikitutako tipula olio pixka batekin erregosi, su eztitan.
3. Tomateei azala eta haziak kendu eta txikitu. Baratxuriak zuritu eta txikitu. Biak tipularekin batera jarri eta erregosi.
4. Azpil batean antxoak jarri eta gainetik gatz pixka bat, olio zurrusta bat eta txikitutako perrexila bota.
5. Labe beroan gainerre, 200 gradutan, 40 minutuz.
6. Plateraren alde batean tomatea jarri eta bestean antxoak.