Cous-cousa foierekin

LEHENENGO ERA
Osagaiak 4 lagunentzat
250 g cous-cous integral, 200 g foie fresko, 150 g tipula, 50 g urdaiazpiko ondu, 200 g perretxiko, 100 g ilar, olioa.

Zailtasuna                        2               

1. Eltze batean txikitutako tipula oliorekin erregosi, su eztitan.
2. Zerrendatan moztutako perretxikoak eta txikitutako urdaiazpikoa gehitu eta erregosi.
3. Eltze batean 500 ml ur eta gatza jarri. Irakiten hasten denean, couscousa eta ilarrak bota, estali eta 4 minutuz egosi. Sua amatatu eta 5 minutuz pausatzen utzi.
4. Cous-cousa urdaiazpikoren nahasketarekin nahastu.
5. Foiea dadotan moztu. Zartagin batean, su ertainetan eta oliorik bi aldeetatik erregosi. Gatza bota.
Plateretan cous-cousa jarri, eta gainean foie.

BIGARREN ERA
Osagaiak 4 lagunentzat
250 g cous-cous, tipula erdia, 200 g ziazerba, 200 g foie fresko, salda, gatza.

Zailtasuna                        2               

1. Garbitu couscousa urarekin.
2. Eltze batean 500 ml salda eta gatza jarri. Irakiten hasten denean, couscousa bota, estali eta 4 minutuz egosi, su eztitan. Sua amatatu eta 5 minutuz pausatzen utzi.
3. Zatitutako tipula oliorekin erregosi. Ziazerba eta 250 ml salda gehitu eta 5 minutuz egosi. Irabiagailuarekin nahasi.
4. Dadotan moztutako foiea erregosi.
Plateretan cous-cousa eta saltsa jarri, eta gainean foiea.