Ahate izter konfita eta foie kaneloiak

Osagaiak 4 lagunentzat
12 kaneloi xafla, 40 g foie. Betegarria: 200 g tipula , baratxuri ale bat, 150 g onddo, 150 g foie fresko, 3 ahate izter konfita, gatza, piperbeltz beltza. Saltsa: 100 ml ardo gozo, 500 ml haragi salda.

Zailtasuna                           3

1. Kazola batean ur ugari eta gatza irakiten jarri.
2. Irakiteko puntuan dagoenean, kaneloi xaflak banaka sartu; noizean behin mugitu.
3. Hamar minutuz egosi. Atera eta ur hotzetan busti. Xukatu eta oihal baten gainera atera.
Saltsa:
Eltze batean salda eta ardoa egosi, saltsa loditu arte. Behar adina gatz bota.
Betegarria:
1. Txikitutako tipula eta baratxuria olio pixka batekin erregosi, su eztitan.
2. Txikitutako onddoak gehitu eta arin erregosi.
3. Konfitari gantz gehiena kendu,  haragia atera eta txikitu. Zartagin batean haragia 5 minutuz erregosi, su oso eztitan.
4. Foiea garbitu eta dado txikitan moztu. Konfitari gehitu eta minutu batez arin erregosi.
5. Barazkiei 2 koilarakada saltsa eta konfitaren nahasketa gehitu eta nahastu. Behar adina gatz eta piperbeltz beltz bota.
Bukatzeko:
1. Kaneloiak  nahastearekin bete.
2. Labeko azpil batean jarri eta labe beroan sartu, 190 gradutan, ondo berotu arte.
3. Plateretan hiru kaneloi jarri eta saltsarekin estali. Gainetik mehe moztutako foiea jarri.