Potxak bakailao eta txirlarekin

LEHENENGO ERA
Osagaiak 4 lagunentzat
300g potxa, 300 g bakailao izpitu, 200 g txirla, tipulina erdia, baratxuri ale bat, piper berde bat, olioa, gatza, perrexila.

Zailtasuna                        2               

1. Bakailaoari gatza kentzeko ur hotzetan 24 orduz beratzen utzi. Tarte horretan ura bi aldiz aldatu behar dugu. Atera eta lehortu.
2. Eltze batean txikitutako barazkiak olio zurrusta batekin erregosi, su eztitan. Gatzatu, estali eta noizean behin eragin.
3. Barazkiak eginda daudenean, potxak eta litro eta erdi ur jarri. Tapatu eta egosi, su eztitan, ordu betez. Egosten ari diren bitartean, urik behar badute, ur hotza bota.
4. Bakailaoa eta txirlak gehitu eta 3 minutuz egosi. Behar adina gatz bota eta txikitutako perrexila bota.

BIGARREN ERA
Osagaiak 4 lagunentzat
300 g potxa, 250 g bakailao, 300 g txirla, porru bat, 2 baratxuri ale, olioa, gatza.

Zailtasuna                        2               

1. Bakailaoari gatza kentzeko ur hotzetan 24 orduz beratzen utzi. Tarte horretan ura bi aldiz aldatu behar dugu. Atera eta lehortu.
2. Eltze batean potxak, txikitutako barazkiak, gatza, litro eta erdi ur jarri. Tapatu eta egosi, su eztitan, ordu betez. Egosten ari diren bitartean, urik behar badute, ur hotza bota.
3. Dadotan moztutako bakailaoa olio pixka batekin gorritu.
4. Potxeei bakailaoa eta txirlakgehitu eta 3 minutuz egosi. Behar adina gatz bota.