Madari eta izokin entsaladak

LEHENENGO ERA
Osagaiak 4 lagunentzat
Eskarola, 300 g izokin fresko, 200 g madari, ogi xerra bat, sesamo haziak. Saltsa: 10 koilarakada olio, 2 koilarakada ozpin, koilarakadatxo bat ziape, koilarakada bat ezti, gatza.

Zailtasuna                        2             

1. Eskarola garbitu eta zatitu.
2. Izokinari azala eta hezurrak kendu eta dadotan moztu.
3. Madaria zuritu eta dado txikitan moztu. Olio pixka batekin erregosi, su ertainetan. Atera.
4. Zartagin bertan izokina arin erregosi.
5. Ogia dadotan moztu eta frijitu.
6. Plateretan eskarola jarri. Saltsaren osagaiak irabiatu eta gainetik bota.
7. Gainean izokina, ogia, madaria eta sesamoa jarri.

BIGARREN ERA
Osagaiak 4 lagunentzat
Uraza, rukula, aguakate bat, 200 g madari, 350 g izokin fresko, 6 tomate cherry, 50 g hirugihar. Saltsa: 10 koilarakada olio, 2 koilarakada ozpin, koilarakada bat soja saltsa, gatza.

Zailtasuna                            2               

1. Uraza eta rukula garbitu. Zatitu.
2. Tomatea garbitu eta erditik moztu. Aguakatea zuritu eta zerrendatan moztu.
3. Izokinari azala eta hezurrak kendu eta tiratan moztu.
4. Zartagin bat olio pixka batekin berotu eta izokina, madaria eta hirugiharra arin erregosi.
Plateretan uraza, rukula eta tomatea jarri eta irabiatutako saltsa bota. Gainetik beste osagaiak jarri.