Kuiatxo milorria haragirekin

Osagaiak 4 lagunentzat
3 kuiatxo, gazta birrindua. Betegarria: tipula bat, azenario erdia, porru erdia, baratxuri ale bat, 150 g tomate heldu, 350 g txahalki txikitu, ardo beltza, olioa, gatza. Saltsa: tipula bat, 100 g kuiatxo, 200 g tomate heldu, olioa, gatza, oreganoa.

Zailtasuna                           3

1. Garbitu kuiatxoak eta erditik  moztu. Erdi bakoitza xerratan moztu.
2. Eltze batean ur ugari gatzarekin berotu. Kuiatxo xerrak minutu batez egosi eta xukatu.
Betegarria:
1. Txikitutako tipula, baratxuria eta porrua olio pixka batekin erregosi, su eztitan.
2. Txikitutako azenarioa gehitu eta erregosi.
3. Tomateari azala eta haziak kendu eta txikitu. Barazkiekin batera jarri eta errregosi, su eztitan.
4. Barazkiak eginda daudenean, haragia eta ardo pixka bat bota eta arin erregosi. Gatza bota.
Saltsa:
1. Eltze batean zerrendatan moztutako tipula eta kuiatxoa olio pixka batekin erregosi.
2. Zatitutako tomatea gehitu eta erregosi. Gatza eta oreganoa bota.
3. Irabiagailuarekin nahasi eta txanotik pasatu.
Bukatzeko:
1. Azpil batean saltsa pixka bat bota. Hurrenez hurren kuiatxo xerrak, betegarria, kuiatxo xerrak, betegarria eta kuiatxo xerrak jarri. 2. Geratzen den saltsarekin estali eta gainetik gazta bota.
3. Labe beroan sartu, 200 gradutan, ondo berotu arte.