Alberjiniaz beteriko arroz hanburgesak

Osagaiak 4 lagunentzat
Alberjinia, 4 gazta xerra, irina, arrautza, olioa, gatza. Betegarria: 175 g arroz integral, tipula erdia, 2 baratxuri ale, azenario erdia, piper berde bat, piper gorri laurdena, 100 g kuiatxo, olioa, gatza. Saltsa: tipula bat, 300 g tomate, 3 piper txorizero, olioa, gatza.

Zailtasuna                        2         

Betegarria:
1. Arroza garbitu. Presio-eltze batean arroza, ura eta gatza jarri. Estali eta egosi 30 minutuz. Xukatu.
2. Txikitutako tipula eta baratxuriak olio pixka batekin erregosi.
3. Txikitutako piperrak eta birrindutako kuiatxoa eta azenarioa gehitu eta erregosi.
4. Ontzi batean arroza, barazkiak eta gatza nahastu eta hozten utzi.
Saltsa:
1. Piper txorizeroak garbitu eta ur epeletan beratzen utzi. Xukatu eta aizto batekin mamia atera.
2. Eltze batean zerrendatan moztutako tipula eta baratxuriak olio pixka batekin erregosi, su eztitan.
3. Tomateak garbitu eta zatitu. Barazkiekin batera jarri eta erregosi.
4. Txorizeroen mamia bota eta 15 minutuz egosi, su eztitan.
5. Irabiagailuarekin nahasi eta txanotik pasatu. Gatza bota.
Bukatzeko:
1. Alberjinia 8 xerratan moztu eta 2 mimutuz egosi. Xukatu.
2. Arrozarekin 16 hanburgesa egin. Hurrenez hurren hanburgesa, alberjinia xerra, gazta xerra erdia eta hanburgesa jarri. Irin integraletik pasatu.
3. Zartagin batean olio berotan frijitu. Paper baten gainera atera.
Saltsa beroarekin lagundu.