Babarrun zuri eta itsas-zapo entsaladak

LEHENENGO ERA
Osagaiak 4 lagunentzat
200 g babarrun zuri,  400 g itsas-zapo solomo, 100 g ganba, uraza hosto batzuk. Saltsa:  9 koilarakada olio, 2 koilarakada ozpin, 2 koilarakada esne-gain, arrautza bat.

Zailtasuna                         2

1. Presio-eltze batean babarrunak urarekin estali. Gatz pixka bat bota eta 40 minutuz egosi. Xukatu.
2. Itsas-zapoa xerratan moztu eta olio pixka batekin erre.
3. Ganbak zuritu eta olio pixka batekin arin erregosi.
4. Uraza garbitu eta zatitu.
5. Arrautza egosi, zuritu eta txikitu. Piperra txikitu. Saltsaren osagaiak irabiatu.
Plateretan uraza jarri, eta gainean babarrunak. Saltsa bota gainetik eta itsas-zapoa eta ganbak jarri.

BIGARREN ERA
Osagaiak 4 lagunentzat
200 g babarrun zuri, 500 g itsas-zapo solomo, 300 g piku, lima bat, 150 ml koko edari, kimuak, olioa, gatza, martorria.

Zailtasuna                    2            

1. Presio-eltze batean babarrunak urarekin estali. Gatz pixka bat bota eta 40 minutuz egosi. Xukatu.
2. Itsas-zapoa zerra finetan moztu. Gatza, lima zukua, txikitutako martorri pixka bat eta koko edaria nahastu eta gainetik bota. Ordu betez beratzen utzi.
3. Pikuak lau zatitan moztu eta olio pixka batekin arin erregosi.
Plateretan babarrunak jarri eta gainetik birrindutako lima azal pixka bat eta olio zurrusta bat bota. Gainean itsas-zapoa, pikuak eta kimu batzuk jarri.