Arkume besoa erreta laranjarekin

LEHENENGO ERA
Osagaiak 4 lagunentzat
1,400 g arkume beso, 2 baratxuri ale, 2 laranja, gurina, olioa, gatza, kuminoa, kanela hautsetan.

Zailtasuna                        2               

1. Laranjei zukua atera eta erdiaren azala birrindu.
2. Baratxuria txikitu eta azala, koilarakada bat gurin, kuminoa eta kanelarekin nahastu.
3. Arkumeari gatza bota, mozketa batzuk egin eta aurreko nahastearekin bete. Bi orduz beratzen utzi.
4. Azpil batean besoa eta laranjen zukua jarri. Paperarekin estali. Labe beroan sartu, 180 gradutan, 90 minutuz. Papera kendu.
5. Labearen indarra igo, 220 gradutara, eta 10 minutuz erre.
Saltsa honekin lagundu:
Baratxuri ale bat, perrexila, 50 g pistatxo, laranja baten zukua eta olio pixka bat irabiagailuarekinnahasi.

BIGARREN ERA
Osagaiak 4 lagunentzat
1,400 g arkume beso, 2 baratxuri ale,  laranja bat, olioa, gatza, erromeroa, ezkaia, piperbeltz beltza.

Zailtasuna                             1

1. Laranja, baratxuria, erromeroa, ezkaia, gatza eta zurrusta bat olio irabiagailuarekin nahasi.
2. Arkumeari gatza eta piperbeltz beltza bota eta aurreko nahastearekin igurtzi. Bi orduz beratzen utzi.
3. Azpil batean besoa eta bere salda jarri. Paperarekin estali. Labe beroan sartu, 180 gradutan, 90 minutuz. Papera kendu eta 220 gradutan 10 minutuz erre.