Irailak 10-Apirilak 9

Nuevo Anchusteguiri buruzko ‘Gure Señoriti’ aldi baterako erakusketa ikusgai dago apirilaren 7ra arte, Itsasmuseumeko Carol Iglesias Espazioan.

Itsasontzi paregabe eta errepikaezin baten historian barrenako ibilbidea da, azken batean, museoak eskaintzen duena. Nuevo Anchustegui itsasontzia Ondarroako Arriola ontzioletan eraiki zen 1958an eta, adituen arabera, garai bateko eta Euskal Herriko baxurako arrantza tradizionalean erabilitako ontzien funtsezko tipologiaren ordezkaririk zaharrena da. Aldi berean, XX. mendean Bizkaiko kostaldean bizi ziren erriberako arotzen maisutasuna eta trebetasuna islatu nahi ditu.

Familiaren artxiboko irudi eta dokumentu sorta batzuen bitartez eta beste erakunde batzuek utzitako materialari esker -Euskal Museoko zenbait pieza, tartean-, erakusketak hainbat gai jorratzen ditu: familia, Ondarroako herria, ontziaren oinarrizko portua, bere historia eta arrantza mota desberdinei egoki erantzuteko egindako egokitzapenak, itsasontziak lortutako bizitza berria, 1997an Antxustegi-Badiola familiak Itsasmuseumi dohaintzan eman eta bildumako pieza bihurtu ondoren...

Erakusketak ondare materiala zein memoria immateriala jaso nahi ditu. Horretarako, lekukotasun biziak jaso dituzte, bizipenei, tradizioei eta pertsonei garrantzia emanez. Horrenbestez, kulturalaren alderdi immateriala ere berreskuratu nahi izan da.