Ilara luzeak, besteentzat erreserba lortzeko

Orduak daramatzate ilaran, eserita. Diruagatik egiten dute. Pizzeria ezagun batean erreserbak egiteko ordaindu diete. Lucali da pizzeria. Brooklyngo Carroll Gardens auzoan dago, New Yorken. Antza denez, jende ospetsu asko joaten da eta gaueko mahai bat ziurtatzeko itxaronaldi luzeak ezinbestekoak dira. Sarritan orduak eta orduak luzatzen dira itxaronaldiak.