APR. 11 2016 Kaskarotenea ikastola inauguratzeko festa GARA ZIBURU Irailean hasi ziren Kaskarotenearen egoitza berrian eskolak ematen. Oztopo ugari gainditu behar izan dituzte eraikin berria lortu arte, eta urak bere bidera itzulita, Ziburuko ikastola inauguratzeko festa egin zuten pasa den larunbatean. Bertan bildu ziren proiektuan lagundu duten ikastolak eta eragileak. Festa 11.30ean hasi zen hitzaldi batekin eta gero ikastola erakutsi zieten bertaratuei. Kazeta.eus webgunean, Laida Mujika zuzendariak nabarmendu zuen eraikin berriak irakasle eta langileen lana asko erraztu duela. Etorkizunera begira, datorren ikasturtean lehen mailako eskaintza irekiko dutela iragarri zuen. Irailetik aurrera 21-22 ikasle izango ditu.