Sagardo Egunak zintzurrak alaitu eta giroa piztu du Donostian

Donostiarrek eta bisitariek giro bikainean ospatu zuten atzo XXXIV. Sagardo Eguna. Trikitiaren eta bertsoen doinuek lagunduta eta eguraldia lagun, bost mila lagunek sagarraren zuku preziatuarekin gozatu zuten. Gipuzkoako Sagardogileen Elkarteko kide diren 34 sagardotegik hartu zuten parte ekimenean, eta 2018 uztak eman duen onena eskaini zieten gerturatutakoei. Jana eta edana bakarrik ez, beste ekitaldi asko ere izan ziren, eta unerik hunkigarriena aurten omendu dituzten Joxe Mari eta Gabriel Lizeaga (Lizeaga sagardotegia) eta Joxe Mari Otegi (Otegi sagardotegia) oholtzara igo zirenekoa izan zen.

Argazkia: Gorka RUBIO I FOKU