Red Bull Cliff Diving World Series txapelketak ikuskizun ederra ekarri du berriro ere Bilbora. Osteguneko entrenamenduekin hasi ziren mundu osoko «klabadista» edo jauzilari onenak Salbeko zubitik salto egin eta uretan murgildu arteko tarte txiki horretan airean dantza egiten. Gaur jokatuko dira final handiak. Gizonezkoetan, Gary Hunt britainiarra da faborito nagusia. Lehen aldiz emakumezkoen probak ere bisitatu du Bilbo, eta Rhiannan Iffland australiarrak denboraldian zehar erakutsitako nagusitasunari eusteko gai ote den frogatu beharko du. Arratsaldean jokatuko dira finalak, 17.00etatik aurrera.

Argazkia: Aritz LOIOLA | FOKU