Atzo Donald Trumpek AEBetako Gobernuaren aurreikuspenak azaldu zituen. Hurrengo bi asteak oso gogorrak izango direla onartuta, hartutako neurriei esker hildako kopurua nabarmen mugatuko dutela iragarri zuen. Berandu iritsi da: AEBetan Covid-19a inon baino azkarrago zabaltzen ari da. Trump bere momenturik zailenean egon liteke, ez pandemiagatik, bere kudeaketagatik baizik.