Manasluko oinarrizko kanpamentuan da Txikon, neguan koroatzen saiatzeko
Alpinista bizkaitarra oxigeno artifizialik gabe planetako zortzigarren mendirik altuena koroatzen saiatzen den hirugarren urtea da.
![Alex Txikon alpinista bizkaitarra, Manasluko espedizioan murgilduta.](/media/asset_publics/resources/000/961/199/article_main_landscape/1227_kir_txikon.jpg)
Alex Txikon alpinista bizkaitarrak #Manaslu proiektua abiarazi du, neguan eta oxigeno artifizialik gabe Manaslura (Nepal) igotzeko asmoarekin. Mendi hau munduko zortzigarren mendirik garaiena da, 8.163 metroko altuerarekin.
Manaslu bertatik bertara ezagutzeko bi saiakera egin ondoren, 2023an mendialdea konkistatzen saiatuko da, orain arte neguko espedizio batek inoiz koroatu ez duena. Txikon oinarrizko kanpamentura heldu zen atzo bere taldearekin batera, eta hurrengo egunotan Simone Moro italiarra batuko zaie. Bizkaitarrak, beste behin, Nepalgo sei eskalatzaile izango ditu kordada lagun gisa. Aipatzekoa da, lehenengo egun hauetan Pasang Themba beraiekin egongo dela, 1980ko maiatzaren 14an Martin Zabaletarekin Everestera igo zen 71 urteko eskalatzaile nepaldar eskarmentuduna.
NEGUAREN ARRISKUAK
Neguko espedizioak oso gogorrak direla jakinda, ahalik eta lasterren igotzen hastea da helburua. Behin oinarrizko kanpamentuan, elur-jausiak eragin ditzakeen arriskuak saihesteko xedez 3.700 metrotan ezarri dena (aurreko bi espedizioetan baino 1.200 metro beherago), altuera irabazten hasiko dira. Alex Txikonek berak adierazi duenez, «Manasluko gailurrera iritsi zen lehen espedizio japoniarrak oinarrizko kanpamentua altuera horretan ezarri zuen; hortaz, gauza bera egingo dugu, aurreko neguko elurteak bezalako elurte handiak edota haize bortitzak baleude, geure burua babestearren».
Urtarrilak aurrera egin ahala, baldintza klimatologikoak zaildu egiten dira. Iaz, elurte handien ondorioz, taldeak gauak eman zituen elurra jotzen eta 5 metro baino gehiagoko altuerako eustormak eraikitzen, elurrak erabat estali ez zitzan. Kanpamentuan daudenean, taldea Manaslura mendebaldeko bazterretik igotzen saiatuko da, 2021ean ikusi zuten arabera hori baita ibilbide bideragarri bakarra.
![0814_eskorbuto2](/media/asset_publics/resources/001/146/211/article_thumb_horizontal/0814_eskorbuto2.jpg)
«Los demenciales chicos acelerados»: Eskorbuto
![0814_kul_goenaga](/media/asset_publics/resources/001/146/223/article_thumb_horizontal/0814_kul_goenaga.jpg)
Espresionismoa bide
![0815_eh_nusantara4](/media/asset_publics/resources/001/146/617/article_thumb_horizontal/0815_eh_nusantara4.jpg)
Nusantara y el desafío de construir una capital desde cero
![0817_p004_aritza](/media/asset_publics/resources/001/146/784/article_thumb_horizontal/0817_p004_aritza.jpg)
Los vascones constituyeron un Estado propio hace 1.200 años
![0018_eh_bilbo1](/media/asset_publics/resources/001/147/223/article_thumb_horizontal/0018_eh_bilbo1.jpg)