“Erriola” leloarekin, Gipuzkoako ikastolen jaiaren 47. edizioa ospatuko da urriaren 1ean, Errenterian. Kilometroak egunak urte osoko bidea biribilduko du, Orereta Ikastolaren 60. urteurrenarekin bat eginez.

Atzo aurkeztu zuten Kilometroak eguna, eta eskerrak eman zizkieten urteko ekintza guztiak antolatzeko bidean lagun izan dituzten eragile eta norbanako guztiei. Izan ere, hilabete guztiotan jende ugari aritu da gogotsu eta indarrez lanean, eta guztiari behar bezalako amaiera eman nahi diote urriaren 1ean.

Musika, dantza, tailerrak, kale animazioa, erronkak, tonbola eta bazkaria izango dira.