Onkologia Pediatrikorako baliabide gehiago bideratuko dituzte
EH Bilduk proposatutako eta Gasteizko Legebiltzarrak onartutako txostenak azpiegiturak, diziplina anitzeko taldeak, tratamendu eta zainketa aringarriei buruzko protokoloak eta Haur Minbiziaren Ikerketa Klinikorako Unitate Bateratua sortzea jasotzen du.
![Bilbon minbiziaren aurka eginiko ekimena.](/media/asset_publics/resources/001/053/551/article_main_landscape/1123_minbizia.jpg)
EH Bilduk, EAJk, PSEk eta Elkarrekin Podemos-IUk adostutako zuzenketa bat onartu zuen atzo Gasteizko Legebiltzarrak, eta Osasun Sailari ospitaleetako azpiegiturak «egokitzeko eta hobetzeko» eskatu zion, minbiziaren ondorioz tratatutako haur eta nerabeei «beren adinera egokitutako espazio egokiak» eskaintzeko.
Zuzenketa hori Gasteizko Legebiltzarreko Osasun Batzordean onartu zuten, eta atzo eztabaidatu zuten EH Bilduk proposatuta. Eztabaidaren ostean, zuzenketarekin bat egin eta proposamena aho batez onartu zuten.
Testuak Lakuako Osasun Sailari eskatzen dio, Osakidetzarekin lankidetzan, «minbizia duten haur eta nerabeen familien elkarteekin lanean» jarrai dezala, «lehentasunezko» neurri batzuk ezartzeko plan bati jarraiki.
BALIABIDE ANITZ
Rebeka Ubera EH Bilduko legebiltzarkideak atzoko eztabaidan azaldu zuenez, «unitate horiek giza baliabideak eta baliabide materialak hobetu behar dituzte, azken urteotan egoerak okerrera egin duelako eta estandar batzuk ez direlako betetzen, minbizia duten adingabeen gurasoen elkarteek salatu duten bezala».
Proposatutako neurri horien helburua da minbizi pediatrikoaren tratamendua Hematologia eta Onkologia Pediatrikoko unitateetan egitea, «Europan eta Estatuan definitutako ‘Haur eta Nerabeen Minbiziaren Laguntza Unitateen Estandarrak eta Gomendioak’ betez».
Era berean, «adingabeei eta haien familiei arreta integrala eta egokia bermatzeko beharrezkoak diren baliabide materialak eta giza baliabideak» izateko beharra azpimarratzen du txostenak. Baliabide horiek gaixotasunaren zein tratamenduaren informaziotik hasi eta hortik harago doazenak lirateke.
ITXARONGELAK ETA BANAKAKO LOGELAK
Ildo beretik, ospitaleetako azpiegiturak egokitzea eta hobetzea oso garrantzitsua dela azpimarratu zuten, «tratatutako haur eta nerabeei eta haien familiei beren adinera egokitutako espazio egokiak eskaintzeko», hala nola itxarongelak, eguneko ospitalea, aisialdirako espazioak eta banakako gelak.
Era berean, beharrezkotzat jotzen da onkologoz, erizainez, psikologoz eta profil anitzez osaturiko taldeak sortzea, «indarrean dauden estandarrak» bermatzeko. Haur minbiziari buruzko ikerketa klinikoetarako unitate bateratu bat sortzea jasotzen da proposamenean, haurren minbiziaren tratamenduen %90 saiakuntza klinikotzat hartzen diren nazioarteko protokoloen barruan egiten baitira.
Zuzenketaren beste atal batean, tratamenduekin lotutako informazio protokoloak zein prozesuen protokoloak egitea komeni dela egiaztatzen da, familiak «adingabearen tratamenduan eta zaintzan aktiboki parte hartu ahal izan dezan, osasun-taldearekin lankidetzan».
![0903_eg_pradales](/media/asset_publics/resources/001/152/110/article_thumb_horizontal/0903_EG_PRADALES.jpg)
Pradales y Ortuzar exageran la acción parlamentaria de EH Bildu
![0904_eh_ernai](/media/asset_publics/resources/001/152/426/article_thumb_horizontal/0904_eh_ernai.jpg)
Arraun munduko 100 kidek bat egin dute Ernairen mobilizazioarekin
![0904_eg_ramos](/media/asset_publics/resources/001/152/452/article_thumb_horizontal/0904_eg_ramos.jpg)
«Las ideas que promueve El Yunque están en su mejor momento»
Desaparecidos
![0908_eg_franciaprotesta](/media/asset_publics/resources/001/154/068/article_thumb_horizontal/0908_eg_franciaprotesta.jpg)