Energia berriztagarrien makroproiektuen aurkako elkarretaratzera deitu dute
Euskal Herria Bizirik sareak kontzentrazio zaratatsura deitu du biharko, 10.00etan, Barakaldoko BECen Europako industria eolikoaren Wind Europe kongresuaren aurrean, energia berriztagarrien makroproiektuak gelditzearen alde.
![«Lurraren defentsan, Euskal Herria bizirik» manifestzioa, 2023ko maiatzean.](/media/asset_publics/resources/001/093/155/article_main_landscape/0319_eko_bizirik.jpg)
Bihar Barakaldon ospatuko den Wind Europe Annual Event jardunaldian mobilizatu egingo da Euskal Herria Bizirik sarea, kontzentrazio zaratatsu batekin.
Proiektu mota hauek instalatu ahal izateko baimenak etetea eta «natur baliabideen suntsipen sistematikoa geldiaraztea» eskatuko du.
Gaur egun, bai «natura eta landa eremua suntsituko duten makroproiektuak» instalatzeko eskaeren ugaltzeak zein onartzeko dagoen Energia Berriztagarrien Arlokako Lurralde Egitasmoan aintzat hartzen diren proposamenek 150 instalazio inguru eraikitzea ekarriko dute, Euskal Herria Bizirik-ek salatu duenez.
«Funtsean, hauek mendietan eta nekazaritza eremuetan kokatu nahi dituzte, eta gure naturan, ekonomian, historian zein kulturan eragin zuzena izango dute. Hau guztia, gainera, gizartearen iritzia aintzat hartu gabe, gehiengoak proposamenari uko egingo liokeela kontuan hartuta», gaineratu dute. Hori dela eta, bihar, BECen kontzentrazio deialdia egin dute, 10.00etan. Egunotan Wind Europe Annual Event 2024 (Europako industria eolikoaren urteko jardunaldia) antolatuta dago eta «berdez makillatutako burbuila ekonomiko berria elikatu nahi duten munduko enpresarien eta politikarien bozeramaileak» elkartuko dira.
Azkenean, gogoratu dituzte Azpeitian apirilaren 13an egingo den Lurraren defentsaren aldeko manifestazioa eta egun horretan «oso presente» egongo den aldarrikapena: paradigma aldaketa premiazkoa da, «pertsonak eta natura sistemaren erdigunean kokatuko dituena».
![0814_eskorbuto2](/media/asset_publics/resources/001/146/211/article_thumb_horizontal/0814_eskorbuto2.jpg)
«Los demenciales chicos acelerados»: Eskorbuto
![0814_kul_goenaga](/media/asset_publics/resources/001/146/223/article_thumb_horizontal/0814_kul_goenaga.jpg)
Espresionismoa bide
![0815_eh_nusantara4](/media/asset_publics/resources/001/146/617/article_thumb_horizontal/0815_eh_nusantara4.jpg)
Nusantara y el desafío de construir una capital desde cero
![0817_p004_aritza](/media/asset_publics/resources/001/146/784/article_thumb_horizontal/0817_p004_aritza.jpg)
Los vascones constituyeron un Estado propio hace 1.200 años
![0018_eh_bilbo1](/media/asset_publics/resources/001/147/223/article_thumb_horizontal/0018_eh_bilbo1.jpg)