Sistema bideraezin baten aurrean, mobilizazioa
Azken urteetan bezala, krisi iraunkorreko testuinguru batean igaro zen Maiatzaren Lehena, gizarte, ingurumen eta balore-krisi kronikoaren testuinguruan, hain zuzen. Munduko edozein bazterri begiratua egitea besterik ez dago. Azken urteetan ezin argiago ikusi dugu nola denen sakrifizioaren beharra iragarri ondoren, langile klasea, bereziki sektore behartsuenak, gero eta prekaritate handiagoan murgildu diren bitartean, botere ekonomikoek mozkinak biderkatu dituzten; nola bankuen eta enpresa handien etekinek gora egin duten kontrolik gabeko -ezen ez kontrola ezinezko- inflazioaren garaian.
Horregatik, beharrezkoa da mobilizazioa. Beharrezkoa da, jakina, duintasunaren alde eta lukurreriaren aurka. Eta gezurraren aurka, gezurra baita bideraezinak direla langileen lan baldintza eta soldata duinak, denentzako zaintza eta pentsio duinak edo ezer ez dutenentzako laguntza duinak; horiek eragozten dituen sistema da benetan bideraezina. Eta testuinguru horretan, arduradun politikoek, oro har, botere ekonomikoaren zerbitzuko politikak ezartzen dituzte. Aspaldion entzun dugu Lakuako Gobernua kexuka mobilizazio maila handiagatik, baina ez arestian esandako bidegabekeriengatik; ez zaio bururatu enpresen mozkin gero eta handiagoek dakartzaten eskubide sozial gero eta murritzagoak salatzea. Entzun ditugu Estatu espainoleko zenbait ahots esaten Estatuko mobilizazioen erdiak Hego Euskal Herrian egiten direla, bertako langileen baldintzak onenak izan arren, nahi gabe agerian jarriz mobilizazio horien beharra, hori dela bidea. Edonola ere, Estatuko baldintzarik txarrenen jabe ez izatea ez da baldintza onen jabe izatea. Eta horrek jorratu beharreko beste norabide bat seinalatzen du; burujabetza, hain zuzen.
Euskal sindikalismoa sendoa da eta hala behar du, ez baitira makalak aurrean dituen erronkak. LAB sindikatu abertzaleak, aurten 50 urte beteta, badu zer ospatua urteurrenaz gain; izan ere, Ipar Euskal Herrian urteetako bazterketa gainditzeko gai izan da eta lehen aldiz Estatuko beste sindikatuekin batera parte hartu zuen Baionako martxan. Datozen borroketan nabarituko da bateratasun hori.
![0812_p004_ona](/media/asset_publics/resources/001/145/461/article_thumb_horizontal/0812_p004_ona.jpg)
«Mientras se celebraba Nochevieja en Puerta del Sol, al lado se torturaba a presos políticos»
![0814_eskorbuto2](/media/asset_publics/resources/001/146/211/article_thumb_horizontal/0814_eskorbuto2.jpg)
«Los demenciales chicos acelerados»: Eskorbuto
![0814_kul_goenaga](/media/asset_publics/resources/001/146/223/article_thumb_horizontal/0814_kul_goenaga.jpg)
Espresionismoa bide
![0815_eh_nusantara4](/media/asset_publics/resources/001/146/617/article_thumb_horizontal/0815_eh_nusantara4.jpg)
Nusantara y el desafío de construir una capital desde cero
![0817_p004_aritza](/media/asset_publics/resources/001/146/784/article_thumb_horizontal/0817_p004_aritza.jpg)