Ekuadorren azken urteotan homizidio tasa zortzikoiztu da eta 2023an, aurrekaririk gabeko biolentzia oldean, 7.800 pertsona hil zituzten. Egoerari aurre egiteko, Daniel Noboaren gobernu eskuindarra Nayib Bukeleren ereduan inspiratu da: salbuespen egoera ezarri, armada kalera atera eta espetxeen kontrola berreskuratu du, giza eskubideen babeserako erakundeek kezka adierazi zuten bitartean. «Bukelizazioa» jendartean harrera gero eta hobea izaten ari da, kriminalitatearen kausei eta giza eskubideen urraketei erreparatu gabe.