Kolonialismoa pairatu zutenek aitortza merezi dute

Ingalaterrako Charles III. erregeak eta bere emazte Camillak Australiako Parlamentura egindako bisitan Lidia Thorpe senatari indigenak ekitaldia moztu zuen, oinordetza koloniala eta jatorrizko herriek pairatutako abusuak salatzeko: «Gure herriaren kontrako genozidioa egin zenuten. Bueltatu iezazkiguzue gure lurrak, eman lapurtu zenigutena, gure hezurrak, gure burezurrak, gure jaioberriak». Ozenago esan liteke, irmoago nekez. Bada garaia kolonialismoaren ondorio izugarriak jasan zituzten herriek aitortza jaso dezaten.