‘Dragoi-jagolea’ filma pantailetara helduko da ostiralean, Zinema Euskaraz programaren barruan
Aste honetan, ‘Dragoi-jagolea’ filma helduko da Hego Euskal Herriko zenbait zinema aretotara, Zinema Euskaraz programazioaren barruan. Animaziozko filma hiriburuetako zenbait zinematan ikusi ahal izango da, besteak beste.
Estatu espainoleko ‘Dragoi-jagolea’ filma estreinatuko da Euskal Herriko zenbait zinema aretotan ostiralean, apirilaren 19an, Zinema Euskaraz programaren eskutik. Publiko orokorrari bideratutako filma euskarara bikoiztuta ikusi ahal izango da.
Zineuskadi elkarteak jakinarazi duenez, Zinema Euskaraz programaren barruan aurten ikusiko den bigarren filma da ‘Dragoi-jagolea’, ‘Museoaren zaindariak’ lanaren ondoren.
Euskal ikus-entzunezkoen sektoreari laguntzeko helburua du Lakuako Gobernuko Kultura eta Hizkuntza Politika Sailak bultzatzen duen Zinema Euskaraz programak, eta haur zein gazteei zuzendutako filmen bikoizketaz arduratzen da, zinemagintzan euskararen hedapena sustatzeko.
Golem Alhondiga (Bilbo), Getxo Zinemak (Getxo), Zugaza Zinema (Durango), Florida Zinemak (Gasteiz), Gorbeia Zinemak (Gasteiz), Niessen (Errenteria), SADE Cines Antiguo Berri (Donostia) eta Golem La Morea (Iruñea) zinema aretoetan ikusi ahalko da ostiralean ‘Dragoi-jagolea’.
Animaziozko abentura filma da ‘Dragoi-jagolea’, dragoiak salbatzen saiatuko den neskato baten istorioa kontatzen duena.
Zinema Euskaraz programak beste film batzuk eskaintzen jarraituko du datozen hilabeteetan. Maiatzean, adibidez, bi filmen euskarazko bertsioak daude aurreikusita: ‘Deep Sea’. hilaren 10ean, eta ‘Jungle Bunch 2’, 26an.
Nafarroako Erresumako gotorleku bat Abadiñon, 791 metroko altitudean
Luis eta Enaitz Goñi; aita eta semea igeriketan lehiakide eta adiskide
Indarkeria desberdinak eta biktima desberdinagoak
Musika eta antzerkia, mugaz gaindiko harremanak estutu eta aberasteko
