‘Emakumeek zientzia egiten dute’ zikloaren edizio berria Bilboko Bidebarrieta Kulturgunean

Azaroan Bilboko Bidebarrieta Kulturgunean izango den ‘Emakumeek zientzia egiten dute’ zikloak ikuspegi desberdinetatik heltzen dio emakumearen eta zientziaren paradigmari.

Bilboko Udaleko Bidebarrieta Kulturguneak ‘Emakumeek zientzia egiten dute’ zikloaren edizio berri bat jarri du abian. Ziklo honek ikuspegi desberdinetatik jorratzen du emakumearen eta zientziaren artean dagoen paradigma.

Hitzordu horiek guztiak azaroko ostegunetan izango dira (2, 9, 16 eta 23), eta zientziaren hainbat arlotan erreferenteak diren emakumezko pertsonak izango dira. Horiek guztiak Bidebarrieta Kulturgunera hurbilduko dira, zientzia eta haren ertz ugariak protagonista izango diren jardunaldiak partekatzeko.

Hitzordu guztiak 19.00etan hasiko dira eta Bidebarrietako Liburutegiko Areto Nagusian izango dira.

Ostegun honetan, azaroak 2, ‘En la historia, en la ciencia, en la ciudad, en las casas… ¿dónde están las mujeres?’ hitzaldia egongo da Daniela Arias Laurinoren eskutik.

«Emakumeak etxeko esparruetan, eremu publikoetan eta eremu akademikoetan daude eta egon izan dira, baina haien esperientzia eta ekarpenak alde batera uzten dira oraindik, izen ona galtzen dute edo periferikoak dira. Hitzaldiak hiria eta etxea bezalako eremu eta espazio zehatzetan zehar ibilbidea egiten du, genero rolak, berdintasun ezak, aniztasunak, zaintzak eta eguneroko bizitza bezalako gaiak jorratuz. Diskurtso normalizatuak deseraikitze aldera, genero-ikuspegian jarriko da arreta, historia eta arkitekturak aztertzeko tresna gisa. Han, emakumeen presentzia funtsezkoa da bizitzaren garapenerako eta sostengurako», dio ekimenaren aurkezpenak.

Hilak 9, osteguna, ‘La comunicación en meteorologia. Algo más que la previsión del tiempo’ hitzaldia egongo da Onintze Salazar Perezekin.

Hilak 16, ‘Lenguaje inclusivo: tampoco tiene tanta ciencia’, Maria Martin Barrancorekin.

Hilak 23, ‘Otra psiquiatría: salud mental con perspectiva de género’, Marga Sáez Herrerorekin.