Gaur 20 urte hil zen Stieg Larsson, Millennium trilogiaren sortzailea

Gaur dira 20 urte Stieg Larsson kazetari eta idazle suediarra hil zela. Millennium trilogiak egin zuen ezagun, hil ostean argitaratu bazen ere.

2004ko azaroaren 9an hil zen Stieg Larsson kazetari eta idazle suediarra, duela 20 urte. Skellefteån jaio zen, Suedian eta Millennium izeneko trilogiarekin egin zen Suediatik at ezagun, bera hil ondoren, orduan argitaratu baitzuten. Bihotzekoak jota hil zen bat-batean.

Hurrengo urtean, 2005ean, argitaratu zuten Millenium of crime, nobela beltzeko trilogia. Editoreak David Lagercrantzi agindu zion hurrengo trilogia idazteko, eta Karin Smirnoffi serieko hirugarren trilogia idazteko, zazpi eleberri dituena.

Bere bizitzaren zati handi batean, Larsson Stockholmen bizi izan zen, baita bertan lan egin ere. Bere kazetaritza lanak politika sozialista jorratzen zuen eta eskuin muturreko ikertzaile independente gisa aritu zen.

Munduko bigarren fikziozko egile salduena izan zen 2008an, ‘The Girl with the Dragon Tattoo’ ingelesezko itzulpenaren arrakastaren ondorioz. Millennium trilogiako hirugarren eta azken nobela, ‘The Girl Who Ostt the Hornets’ Nest’, Estatu Batuetako libururik salduena bihurtu zen 2010ean, ‘Publishers Weekly’ astekariaren arabera. 2015eko martxoan, bere serieak mundu osoan 80 milioi ale saldu zituen.

Larsson bihotzekoak jota hil zen, 2004ko azaroaren 9an lanera heltzeko eskailerak igo ondoren; 50 urte zituen. Högalid elizako hilerrian lur eman zioten, Stockholmeko Södermalm barrutian.