JUL. 02 2022 BEHATXULOTIK Iturralde, Atxaga eta Sarrionandia, Martuteneko espetxean JOSU LANDA Juantxo EGAÑA Argazkia Martuteneko espetxean egin zuten, 1985ean, Josu Landa “Argia” aldizkariko kazetariak Joseba Sarrionandia idazleari egindako bisitetako batean. Bisitan Sarrionandiaren lagun eta Pott bandako kide ziren Bernardo Atxaga eta Joxe Mari Iturralderekin topo egin zuen. Garai hartan “Argia” aldizkarian oso kamera txikiak erabiltzen zituzten, minoxak, oso trinkoak eta arinak ziren eta metxero baten tamaina zuten. 15 mm-ko optika zeramaten, oso erraz eramaten ziren eta oso erabilerrazak ziren. Argazkia horietako batekin dago egina. Hilabete batzuk geroago, uztailaren 7an, Iñaki Pikabeak eta Joseba Sarrionandiak Martuteneko espetxetik ihes egin zuten.