Urriaren 14ean 40 gazte independentisten aurkako epaiketa hasi zenean Madrilera ez joatea erabaki zuten horietako lauk; Unai Ruiz Pou, Goizane Pinedo, Idoya Iragorri eta Irati Mujikak. Gaur, azken biak Bilboko manifestazioan izan dira gainontzeko auzipetuekin batera.

Familia argazkia egin dute 38ek elkarrekin eta babes mezua igorri diete ezkutuan diren gainontzeko biei ere. Manifestazio osoan presente izan dituzte lauak, horretarako puxika erraldoi bana puztu eta protestaren buruan eraman dituzte lauen izenak bertan idatzita zirela.

Ezkutuan diren lau gazte independentistek Espainiako Auzitegi Nazionalari ez diotela zilegitasunik aitortzen azaldu zuten ezkutatzea erabaki zutenean eta herritarrei elkartasunetik konpromisora igaro eta epaiketak eteteko deia egin zieten.