Gasteizen jazotako hamazazpi urteko haurraren hilketa eta haren amaren aurkako erasoa gaitzesteko elkarretaratzeak egin dituzte iluntzean Euskal Herriko zenbait tokitan, Emakumeen Mundu Martxak deituta.
Mobilizazio nagusiak Bilbo, Gasteiz, Donostia eta Iruñean egin diren arren, beste hainbat herritan ere burutu dira era honetako protestak.
Hamazazpi hilabeteko haurra, Alicia, herenegun hil zen, amaren bikotekideak leihotik bota ondoren jasan zituen zauriak gainditu ezinda. Ustezko hiltzailea, Daniel Montaño, espetxeratu egin zuten atzo. Amak haurrari sexu abusuak egiten ikusi zuenean borrokan hasi ziren eta orduan bota zuen erasotzaileak umea leihotik.
Amaren egoerak hobera egin du.