![Kaixomaitiak eta Aztikerrek egindako ikerketaren emaitzen aurkezpena. (@Kaixomaitia)](/media/asset_publics/resources/000/294/220/article_main_landscape/kaixomaitia.jpg)
Donostian eginiko agerraldi batean, euskal herritarren harreman sexual eta afektiboei buruz egindako ikerketaren emaitzak aurkeztu ditu Kaixomaitia.eus-ek, euskaldunon harremanetarako webguneak.
Aztikerrekin elkarlanean, otsailaren 12tik martxoaren 13an egin zuten inkesta, internet bitartez, Hego Euskal Herriko 18 eta 64 urte bitartean euskara menperatzen dutenen artean –zabalagoa egiteko adina datu ez zituzten bildu–.
Galdetegiak 73 galdera zituen, hiru hizkuntzatan (euskara, gaztelania eta frantsesa), bost arlotan banatuta: bizitza afektiboa, internet bidezko harremanak, bizitza sexuala, leialtasuna eta harremanak eta datu pertsonalak.
Orotara, 2.358 pertsona sartu ziren inkestara eta 1.500 izan ziren galdera guztiak erantzun zituzten lagunak, nahiz eta arrazoi desberdinak medio, ikerketaren hobe beharrez, 200 bat kanpoan utzi dituzten.
Datuen interpretaziorako, aditutzat dituzten elkarte eta norbanakoengana jo dute, «norberak datuen balorazioa bere ikuspegitik egin dezan, fokoak norberak libreki jarriaz garrantzitsua zaion atalean». Bilgune Feministak, Gehituk, Harremanak.eus-ek eta Mikel Otxotorena adituak eman dituzte beren balorazioak txostenaren bukaeran.
Lehen ondorio gisa, sexuaren inguruko gaiek duten interesa azpimarratu du Kaixomaitiak. «Badirudi sexuak baduela kutsu erreibindikatibo bat, pekatuari, moral zorrotzari loturik dagoena praktikatzeak ematen duen askatasun eta iraultza sentsazioa edo», azaldu dute.
Webgunearen arduradunek, inkestaren zabalak datu eta balorazio askotarako aukera ematen dituela aitortura, bi puntu nabarmendu dituzte: alde batetik, bikote harremana «orokorrean barneratuta» dagoela, baina bikote tradizionalaren aurrean (heterosexuala, monogamoa eta itxia) harreman irekiak ere lekua hartzen dutela jendartearen nahietan.
Bestetik, sexuaren inguruko gaiei lotuta, azpimarratu dute esanguratsua dela «adinak aurrera egin ahal zoriontasun mailak behera egiten duela». «Gora egin beharko luke idealki, bizitzak aurrera egin ahala, norberaren ezagutza, maila fisiko nahiz emozionalean, esperientzia edota bikotearen ezagutzak bizitza sexuala hobetzeko arrazoi nahiko beharko lukete izan. Ez da hala gertatzen antza», esan dute.
GAUR8n erreportajea
Larunbat honetako alean, inkesta honen emaitzei buruzko erreportaje zabala argitaratuko du GAUR8k.
![Fumanal1](/media/asset_publics/resources/001/146/593/article_thumb_horizontal/fumanal1.jpeg)
«Sánchez decide así porque sabe que las bases están con él; Feijóo está atado de pies y manos»
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
![Captura_de_pantalla_2024-08-29_a_las_19.55.22](/media/asset_publics/resources/001/151/147/article_thumb_horizontal/Captura_de_pantalla_2024-08-29_a_las_19.55.22.png)
Adam Castillejo, de las dos «sentencias de muerte» a su esperanzadora cura del VIH
![Ertzaintza](/media/asset_publics/resources/001/151/173/article_thumb_horizontal/ertzaintza.jpg)
Asuntos Internos investiga la muerte de un conductor que se habría encarado a ertzainas en Irun
![Echavarri](/media/asset_publics/resources/001/151/291/article_thumb_horizontal/echavarri.jpg)