Xabier Leteren artxibo eta liburutegia jaso ditu Gipuzkoako Aldundiak. Orotara 3.000 disko eta liburu, 80 karpeta, 25 koaderno, 500 kartel eta folleto eta 400 gutun. Ez dira soilik Leterenak, bikotekide zuen Lourdes Iriondorena ere bada artxiboaren zati bat.

Besteak beste, Gabriel Aresti eta Jorge Oteizarekin izandako karta bidezko elkarrizketak, inoiz argitaratu gabeko poemak edo aski ezagunak diren kantuen zirriborroak ageri dira.

Funtsa kontsultatu nahi duen orok eskakizun bat egin beharko du eta batzorde batek erabakiko du onartuko duen ala ez.

Horrez gain, bi urtez behin Aldundiak beka bat deituko du edizio kritikoak bideratzeko.