Nazioarteko Batzorde Olinpikoak ohar batean jakinarazi duenez, datorren asteburuan erabakiko du Errusiako kirolariak Rioko Joko Olinpikoetatik baztertuko dituen ala ez.
2014ko Sochiko Neguko Jokoetan Errusiak dopin sistema bat bultzatu zuela dioen McLaren txostena ongi aztertuko duela adierazi du Batzorde Olinpikoak, eta kontuan hartuko dituela TAS Kirol Arbitraje-epaimahaiaren ebazpena, Munduko Dopinaren aurkako Kodea eta Karta Olinpikoa.
Gainera, dopinetik «garbi» dauden kirolariei ze tratamendu eman behar zaien ere aztertuko duela adierazi du.
McLaren txostena zabaldu ondoren, Nazioarteko Atletismo Federazioak (IAAF) atleta errusiarrei nazioarteko kirol lehiaketetan parte hartzea eragotzi zien. 68 atletak helegitea aurkeztu dute eta TAS gaur hasi da helegite hori aztertzen.
McLaren txostenaren arabera, errusiar atleten dopina «sistematikoa eta instituzionalizatua» zegoen eta ahalik eta domina gehien lortzea zuen helburu.
«Sistema berria atera bitartean, polita litzateke berdin sentitzen garenon dimisioak pilatzea»
«Si a mi mujer le llega a patear un ultra habrían salido todos en tromba a condenar»
Fallece Koldo Anza, hermano de Jon Anza y extrabajador de la Real
La jueza logra más imágenes y reclama identificar a los ertzainas en el caso de Amaya Zabarte
