Hamar urteren ostean, lehen mailako partida bat bizi ahal izan dute Mendizorrotzara gerturatu diren zaleek; Sporting izan du aurkari Alavesek lehen mailako itzuleran.

Partida bizi hasi dute babazorroek, neurketari erritmoa emanez. Denborarekin, baina, Sporting egin da partidaren nagusi, lehenengo zatia amaitu den arte. Bigarren zatia antzera hasi dute bi taldeek, eta neurketa bere ondarrera iristen ari zen bezala erritmoa asko geldotu da.

Futbol askorik ez du izan partiduak, baina bai gol aukerak. Hauek bi taldeen artean banatu dituzte, baloia bereganatzen zutenero aurkariaren atea bilatzen baitzuten. Atea zulatu, baina, ez du inork zulatu, neurketa hasi bezala amaitzeraino.

Partiduak utzi dituen xehetasun guztiak, NAIZen webgune berezian.