Lesakan bildu dira dozenaka bortziritar Eman Bortzekoa elkartearen aurkezpen ekitaldiaren harira. Arantza, Bera, Etxalar, Igantzi eta Lesakako herritarrei euren etorkizun politikoaren inguruan hitza eman asmo du aipatu elkarteak.
Estitxu Fernandez eta Joseba Olagaraik egin dute elkartearen aurkezpen ekitaldiko hitzartzea. Adierazi dute Gure Esku Dago mugimenduak abiatutako bidea gauzatu asmo dutela, eta iragarri dute udaberri honetan egin nahiko luketela galdeketa, Mendialdea eta Sakanarekin batera.
«Herriari galdetu nahi diogu, herritarrok erabaki dezagun, zer izan nahi dugun, nora joan nahi dugun, herri gisa zer izan nahi dugun», adierazi dute.
Gaineratu dute herri galdeketaren bidea hasi baino ez dela egin gaurko aurkezpenarekin, eta denen ekarpena beharrezkoa izango dela nabarmendu dute. Hala, eta hasteko, sinadura bilketa abiatuko dute.
«Aterako den emaitzaz haratago, galdeketa egitea da helburua, partehartze handia litzake arrakasta», azpimarratu dute.
La fiesta en Lizarra arranca con represión a un cantante, cohete dividido y Bajadica suspendida
El estreno de Iñaki Kerejazu como Celedón desborda Gasteiz con recuerdo a los ausentes
El polémico Memorial recoge la Medalla de Oro de Gasteiz recordando solo a víctimas de ETA
Dos getxoztarras, madre e hija, fallecen en un accidente en Tanzania
