Errenterian elkartu dira Tolosaldea, Oiartzualdea, Hernani eta Astigarragako hainbat gazte, datorren martxoaren 19ko herri galdeketen harira abiatu berri duten dinamikaren berri emateko.
«Gazteok independentzia» bezala bataiatu dute aipatu ekimena, eta estatu propioaren aldeko aldarrikapen nahiz argudioak Gipuzkoako txoko guztietara zabaltzea izango du xede.
«Estatu antidemokratiko eta ustel hauen aurrean, milaka dira dependienteak izateari utzi eta Euskal Estatua eraikitzeko arrazoiak», adierazi dute agerraldian. Adibide gisa aipatu dituzte hezkuntza eredu herritarra eraikitzea, enplegu duin baten aldeko borroka, etxebizitza eskubidea bermatzea, parekidetasuna eraikitzea... «Hain da zentzuzkoa aukera, non galdera ez den zergatik, baizik eta zergatik ez».
Argudio hauek guztiak Gipuzkoako nahiz Euskal Herriko txokoetara hedatzen ahaleginduko dira gazteak: «Horregatik, dinamika eta leloa bere egin eta estatu propioaren aldeko lanketari ekiteko deia egiten diogu euskal gazteriari».
«Aukera erreala da; urte gutxitan lortu dezakegu», adierazi dute.
Electos de Maule ceden parte de su asignación para apoyar a los atletas olímpicos palestinos
La fiesta en Lizarra arranca con represión a un cantante, cohete dividido y Bajadica suspendida
Dos detenidos en Iruñea acusados de agredir a un seguidor de la selección española
Gasteizko Oroimen Zentroari Urrezko Domina «iraingarria eta umiliagarria» dela salatu dute
