Gaztea maketa lehiaketaren 26. edizioaren final handia izango da Bilboko Kafe Antzokian ostegun honetan, apirilaren 27an, 21.30etik aurrera.

Lehiaketaren arduradunek jakinarazi dutenez, sarrera doakoa izango da, baina bertara hurbildu ezin direnek streaming bidez jarraitzeko aukera izango dute maketa lehiaketaren webgunean, egunean bertan.

Finala irabazten duen taldeak sari potoloa eskuratuko du: 5.000 euro eta Bilbao BBK Live jaialdian jotzeko aukera. Kafe Antzokiak ere talde bat sarituko du, 500 eurorekin. Bozketa fasean boto gehien lortu dituen taldea Passepartout izan da, eta finalera zuzenean sailkatzeaz gain, 2.500 euroko saria irabazi du GazteBizHitzaren eskutik.