Udalak deituta, ehunka lagun bildu dira Eibarko Untzaga plazan, Madrilen bizi zen Rakel Lopez eibartarraren eta haren semearen hilketak salatu eta indarkeria matxistari gaitzespena adierazteko.
Han izan dira, besteak beste, Eibarko udal korporazioko kideak, Gipuzkoako Batzar Nagusietako presidente Eider Mendoza, Emakundeko zuzendari Izaskun Landaida eta Aldundiko Berdintasuneko arduraduna, Miren Elgarresta.
«Matxismoak hiltzen jarraitzen gaitu» zioen pankarta bat zabaldu dute, Nalua talde feministak sinatuta, eta ordu laurden egon dira plazan, isilpean.
Plazaren erdian hamar bat lagun etzan dira, hilik baleude bezala, indarkeria matxistari arbuioa adierazteko.
Babesa eskertu du familiak
Elkarretaratzearen bukaeran, Rakel Lopezen sendiaren eledun batek jasotako babesa eskertu du. Eibar zein Alcobendaseko udalen zein beste erakunde batzuen aldetik jasotako sostenguaz gain, Eibarko herritarren aldetik jasotakoagatik ere esker ona adierazi du.
Gaur egin den elkarretaratzea deitzeaz gain, gertatutakoa salatzeko bi dolu egun izendatu zituen Udalak.
Bihar egingo dute Lopezen aldeko hileta elizkizuna, Eibarko San Andres parrokian.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
Primer concierto de Kortatu: unos «marcianos» que tocaron improvisadamente en Errenteria
Adidas retira a la modelo Bella Hadid de una campaña por su apoyo a Palestina
