Athletic Clubek uztailaren 3an Lezaman ekingo dio denboraldi-aurrea. Lehen astean zehar ‘Kuko’ Zigandak zuzenduko duen taldeak etxean egingo ditu entrenamenduak, baina klubak iragarri berri duenez, egonaldia egingo du Crans Montanan eta Yverdon les Bainsen (Suitza) uztailaren 10etik 18ra.
Athleticen espedizioa Grand Hotel du Golf et Palacen -Crans Montana herrian- eta Grand Hotelean -Yverdon les Bains herrian- egongo da.
Lan saioak «Terrain des Palettes» futbol zelaian, Bluche herrian, egingo ditute.
Athletic Clubek «Festival de Football des Alpes 2017» txapelketaren barruan hiru lagunarteko partida jokatuko ditu. Uztailaren 12am, asteazkena: Suitzako Servette taldearekin neurtuko ditu indarrak. Uztailaren 15ean larunbat Sion suitzarren kontra arituko da eta uztailaren 17an, astelehena, Fenerbahce talde turkiarraren kontra.
Lagunarteko hiru partida hauekin batera, abuztuaren 5ean Dublinen jokatuko du talde zuri-gorriak. Liverpool talde ingelesaren kontra arituko da Aviva estadioan.
Hurrengo denboraldira begirako berritasunen artean ere, Athleticeko jokalariak New Balance erropa markak jantziko dituela aipatu beharra dago.
Bestalde, klubak atzo iragarri zuenez Bilbao Athleticen aurredenboraldiko lehen entrenamenduak uztailaren 13an, osteguna, hasiko dira Lezaman.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Casi cuatro toneladas de Miura y dos tremendas embestidas en Mercaderes y la curva
Casi todos los incidentes imaginables se suceden en un encierro de la villavesa lento e irreal
