![](/media/asset_publics/resources/000/415/997/article_main_landscape/0801_mun_mosku.jpg)
Errusia eta AEBen arteko tentsioak gora egiten jarraitzen du. Estatubatuarrek onartu berri dituzten isunek egoera gaiztotu baino ez dute egin eta badirudi Donald Trump Etxe Zurira iritsi zenean egoera bere onera ekartzeko sortu ziren itxaropenak gero eta ahulagoak direla, alferrik galtzen ari direla, alegia.
AEBek Errusian duten ordezkaritza erabat murriztu beharko dute irailaren 1erako, Putin presidenteak berak igande gauean telebistaz jakinarazi zuenez. Pertsonalaren ia bi herenek ezingo du Errusian jarraitu. Begiraleek nabarmentzen dute tamaina horretako erreakzioa ezezaguna zela harreman diplomatikoen arloan. Edonola ere, argi geratu da tentsioa gero eta jasangaitzagoa dela bi potentzien artean.
Sei hilabete baino gehiago pasatu dira Donald Trump Etxe Zurira iritsi zenetik. Eztei-bidaiak iragarri zituzten begirale baikorrenek, bi potentzien arteko harremanei dagokienez, baina justu aurkakoa dugu: gerra hotzaren tankera hartzen ari den etengabeko gatazka.
Moskuk esaten du harremanak normaltzearen aldekoa dela. «Geure arteko harremanak benetan hobetzea nahi dugu. Tamalez, oraindik helburu horretatik urruti gaudela baieztatu dugu», adierazi zuen atzo Dmitri Peskov Kremlineko eledunak. «Egoera honetatik irtetetako ezinbestekoa da harremanak normaltzeko gogoa izatea, isunen bitartez ezer ezartzeko ahaleginak alde batera uztea. Hala ere, presidenteak garbi utzi du geure interesen arabera zenbait arlotan elkarlanean jarraitzeko asmoarekin segitzen dugula», erantsi zuen eledunak.
Konfrontazioa indartu
Ukrainako eta Siriako gatazkek elkarrengandik urrundu egin zituzten bi potentziak. Egoera gaiztotu zuen errusiarrek AEBetako hauteskunde presidentzialetan eragina izan zutela dioen salaketak. Azken kontu hori ikertzen ari dira AEBetan.
«Egoerak hobera egingo zuelakoan denbora asko egin dugu zain. Baina badirudi egoera aldatzen bada ere, ez dela berehala gertatuko», esan zuen presidente errusiarrak. Ideia bera errepikatzen zuten atzo Moskuko hedabide zein begiraleek. «Errusiak hartutako neurriek konfrontazioa indartzen dute. Errusiak ez du Washingtoni isunen bitartez erantzuteko adinako baliabiderik, baina kalte eragin diezaioke nazioarteko politikan», erantsi zuen politologoak, «zibererasoen» aukera gogora ekarriz.
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)
Dos detenidos en Iruñea acusados de agredir a un seguidor de la selección española
![Memoriala](/media/asset_publics/resources/001/142/877/article_thumb_horizontal/memoriala.jpg)