«Ez dira hiru hilabete igaro Hatortxu Rock 20 bizi izan genuenetik. Nekatuta gaudela pentsa liteke. Inondik inora. Indartsu, oso indartsu, atera ginen Euskal Herriak sekula bizi izan duen elkartasun jaialdi handienetik. Eta hemen gaude berriro ere. Oraindik 314 euskal preso politiko daude espainiar zein frantziar estatuetako espetxeetan. Eta hemen egonen gara denak etxean izan arte. Zuek gabe, etenik ez. Hatortxu Rock 21, Atarrabian, abenduaren 16an».
Hala iragarri du Hatortxu Rockek, bideo baten bidez, nahiz eta aurtengo uztailean lau eguneko jaialdi erraldoi bat antolatu, lanean jarraituko dutela euskal preso politiko guztiak etxean izan arte. Eta horretarako egun bakarreko formatura itzuliko dira, ohiko duten urteroko zitara.
Gogoangarria izan zen uztailaren 27tik 30era Lakuntzan bizitakoa eta NAIZek jarraipen berezia egin zuen lau egunetan zehar. Bertan bildu ziren milaka pertsona, urrunketaren kontra eta euskal preso politikoen eskubideen aldeko orro ozen bat helarazteko espetxeetara bidean.
Oraindik taldeen berriz ez badago ere, informazio hori ere laster egingo dutela publiko adierazi dute sare sozialen bitartez.