Bilboko alkate Juan Mari Aburtok, Herritarren Segurtasuneko zinegotzia den Tomás del Hierro eta Udaleko beste ordezkari batzuekin batera, Udaltzaingoaren eraikin berri bat inauguratu dute. Instalazio berriak Gai Sukoien eraikin zaharra egon zeneko eraikin zaharberrituaren beheko solairuetan daude. 

Garellanoko komisaria nagusiaren ordez jarri da Basurtuko hau. Eraikin berriaren helburua segurtasun-zerbitzua hurbilago egotea izan da Udaletik azaldu dutenaren arabera. Instalazio berriak Basurtu auzoan daude, Sabino Arana etorbidean. Horretarako 1922ko Gai Sukoien eraikina berregokitu behar izan da. Eraikinaren alde bat dagoeneko berregokituta dago eta bertan egongo da Udaltzaingoa.

Udalaren instalazio berriek sotoaren ia 1300 metro karratu dituzte eta beheko solairuko 500 metro karratu. Sotoko 500 metro karratutan andrazkoen eta gizonezkoen aldagelak, komunak, biltegiak eta beste instalazio batzuk egongo dira, eta 800 metro karratu udaltzainen ibilgailu partikularrentzako aparkalekuetarako. Novia Salcedo kalean egongo dira garajerako sarbideak.