Erasoa ostegun gauean gertatu zen, Emakumearen Nazioarteko Egunean, Hondarribiko Alde Zaharrean. Gizon batek bere bikotekideari eraso egin zion eta atxilotu egin zuten, Lakuako Segurtasun Sailak baieztatu duenez.
Hondarribiko Udalak «erabateko gaitzespen irmoa» agertu du erasoagatik eta «hurbiltasuna eta elkartasuna» helarazi dizkie erasoa jasan zuen emakumeari.
Udaleko alderdi guztiek adierazpena sinatu dute eta bertan erasoa gaitzetsi dute. «Eraso horrek pertsonen arteko errespetuzko bizikidetza urratu du eta tankera horretako eraso guztiak, giza-eskubideen urraketa diren neurrian, Hondarribian lekuz kanpo» daudela nabarmendu du Udalak, «pertsona guztiek, elkarrekin duintasunez bizitzeko eskubidea baitugu».
Horrekin batera, «herritarrok eta erakundeok indarkeria matxistari aurre egiteko dugun borondate sendoa» gogorarazi du, «indarkeria-mota hori prebenitzea, detektatzea eta horri erantzuna ematea denon egitekoa baita». Era berean, eskerrak eman dizkie erasoa gertatu eta gero biktimari lagundu zioten herritarrei.
Eraso matxista hau salatzeko Udalak elkarretaratzea egingo du bihar, goizeko 11.45etik 12.00ak arte Puntalean. Herritarrei parte hartzeko deia egin die.
Gipuzkoako Batzar Nagusiek ere adierazpena onartu dute eta elkartasuna eta babesa halarazi dizkiote erasoa pairatu duen emakumeari.
Herritarrei eskatu diete «har ditzatela konpromiso pertsonal eta kolektiboak emakumeen eta gizonen berdintasunaren alde, izan ere, arazo kolektiboa baita, guztiona, guztion ardura da indarkeria matxistari aurre egitea eta emakume zein gizonei, herritarrei, elkarteei eta erakundeoi dagokigu erantzutea».
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)
Dos detenidos en Iruñea acusados de agredir a un seguidor de la selección española
![Memoriala](/media/asset_publics/resources/001/142/877/article_thumb_horizontal/memoriala.jpg)
Gasteizko Oroimen Zentroari Urrezko Domina «iraingarria eta umiliagarria» dela salatu dute
![Gasteiz](/media/asset_publics/resources/001/143/230/article_thumb_horizontal/Gasteiz.jpg)