![Donostian egin duten manifestazioa. (Juan Carlos RUIZ/ARGAZKI PRESS)](/media/asset_publics/resources/000/480/969/article_main_landscape/hezkuntza-donostia.jpg)
Bizkaia, Araba eta Gipuzkoako unibertsitatez kanpoko hezkuntza publikoan bigarren greba eguna dute gaur eta, atzo bezala, «irakasleen gehiengo zabalak, %70ak» babestu egin duela azpimarratu du, ohar bidez LAB sindikatuak.
ELAren arabera, greba egunak «oso jarraipen zabala» izan du: %75ekoa irakasleetan, %65ekoa sukalde eta garbiketan, %60koa heziketa berezian eta %30ekoa Haurreskoletan.
Eguerdian mobilizazio jendetsuak egin dituzte hiru hiriburuetan, «Hezkuntza publikoko irakasleak borrokan» lelopean.
Miles de trabajadoras de educación pública se manifiestan en Bilbo en la segunda jornada de huelga. Demandan a Lakua que acuda a la mesa sectorial con contenidos. pic.twitter.com/zVEsu1mcr7
— agustin goikoetxea (@goikodeustu) March 15, 2018
Lakuaren datuak
Lakuako Hezkuntza Sailak bestelako zifrak eman ditu grebaren jarraipenari dagokionez. Ikastetxeen %87an eta haurreskola guztietan jaso dituzten datuen arabera, irakasleen artean jarraipena %44,9koa izan da; heziketa berezian %26,8koa; sukalde eta garbiketako langileen artean %19,2koa eta haurreskoletan %14koa.
LAB
«Gelak hustu eta kalera irten gara irakasleen lan baldintzak hobetu eta Euskal Herriak merezi duen benetako hezkuntza publikoa aldarrikatzeko», azaldu du LABek.
Gaineratu dutenez, «urtarriletik ez dugu inolako berririk Lakuako Hezkuntza Sailaren partetik eta, bitartean, irakasleentzako egonkortasun proposamenik ez, ratioen inguruko proposamenik ez, baliabide gehigarrien inguruko proposamenik ez, bajak ez zigortzeko proposamenik ez, ordezkapenak kidego guztietan lehenengo egunetik betetzeko proposamenik ez».
Horregatik, «ibilbidearen amaieran gaudela uste duten horiei» zuzendu zaie LAB, «bidearen hasieran besterik ez gaudela» argi utzi asmoz. «Hezkuntzan –adierazi dute– paradigma aldaketa dugu jomuga. Hezkuntza burujabea eraikitzen ari gara lanean eta borrokan».
Bide horretan borrokan jarraituko dutela azpimarratu dute, «grebek eta mobilizazioek emaitzak ematen dituztela erakutsi dugulako».
ELA
ELAren arabera, sektore desberdinetako langileen «gehiengo zabalak argi erakutsi du Jaurlaritzaren proposamenak ez dituela nahikotzat jotzen, ez diolako hezkuntza publikoko sektore bakoitzak dituen arazo larrienei erantzuten».
Horregatik, dei egin diote Lakuari aldarriak entzun eta neurriak har ditzan. Hala egin ezean ohartarazi dute «mobilizazioaren bideari eutsi beste biderik ez» dutela izango.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Somport](/media/asset_publics/resources/001/154/240/article_thumb_horizontal/somport.jpeg)
El cierre de los pasos de Somport y Bielsa desvía el tráfico de camiones a Irun
![Vinicio](/media/asset_publics/resources/001/154/378/article_thumb_horizontal/vinicio.jpg)