Ertzaintzaren agenteek 24 eta 26 urteko bi gizonezko atxilotu dituzte bart, Donostian, abusu sexualen delitu bat eta indarkeriaz egindako lapurreta egotzita. Atxilotuek ukitu sexualak egin zizkioten emakume bati eta poltsa ere lapurtu zioten, Lakuako Segurtasun Sailak ohar baten bidez jakinarazi duenez.
Asteartean, 22:15ak aldera, bi gizon Kontxako pasealekuan zegoen emakume bati gerturatu zitzaizkion. Horietako batek sexu ukituak egin zizkion eta musua ematen ere saiatu zen, emakumeak ondoren salatu zuenez. Era berean, gainean zeraman poltsa ostu zioten. Une horretan, bikote bat gerturatu zen, laguntza behar zuen galdetuz, eta bi gizonek ihesari ekin zioten.
Handik minutu batzuetara Ertzaintzaren patruila bat heldu zen eta neskari laguntza eskaini zion. Bien bitartean, beste ertzain batzuek bi gizonezkoak aurkitu zituzten Los Relojes delako inguruan. Lapurturiko poltsa handik hurbil zegoen, lurrean botata.
Atxilotzen duten hamabosgarren aldia
Hori guztia zela, 24 eta 26 urteko bi gizonezkoak atxilotu egin zituzten. Jakinarazi dutenez, Polizia aurrekariak dituzte biek, eta gazteena 15 aldiz atxilotu du Ertzaintzak. Biak epaitegiera eraman dituzte asteazken honetan.
La fiesta en Lizarra arranca con represión a un cantante, cohete dividido y Bajadica suspendida
El estreno de Iñaki Kerejazu como Celedón desborda Gasteiz con recuerdo a los ausentes
El polémico Memorial recoge la Medalla de Oro de Gasteiz recordando solo a víctimas de ETA
Dos getxoztarras, madre e hija, fallecen en un accidente en Tanzania
