Bretainiako hamabost gaztek, debekatuta izan arren, bretoieraz erantzun dute Baxoaren matematika froga, euren hizkuntzan bizitzeko eskubidea aldarrikatzeko helburuz.

Bretainiako Karaezko Diwan eskolako hamabost ikasle izan ziren unibertsitatean sartzeko probako matematika frogari bretoieraz erantzun ziotenak, horregatik azterketan 0 ateratzeko arriskua euren gain hartuta.

Bi urte dira Bak e Brezhoneg batzordea agintari akademiko frantsesekin harremanetan dela ikasle bretoiek baxoa, edo bertako zenbait ariketa bederen, euren hizkuntzan egiteko eskubidea aitortua izan dezaten. Haatik, orain artean ez dute administraziotik erantzunik jaso.

Soutien total aux lycéen•ne•s de #Diwan qui ont désobéi en passant l'épreuve #BacMaths en #breton ! ✊
➡️ https://t.co/1n7KaqUv8q

Tralalalala les droits qu'on a ça s'demande pas,
Tralalalala les droits qu'on a on les prendra ! ✌️#Bac2018 #Brezhoneg #BZHG #BakEBrezhoneg pic.twitter.com/aKIn1sKcGQ

— Lusk (@Lusk_BZH) 2018(e)ko ekainaren 22(a)

Ekainaren 22an pasatu zuten aurtengo batxilergo froga eta haren aurrean 15 ikaslek matematikako azterketako galderak bretoieraz erantzuteko erabakia hartu zuten, batxilergoa beren hizkuntzan pasatzeko eskubidea aldarrikatuz. Gazte hauen azterketak zuzenduak izan daitezen sinadura bilketa abiatu dute Change.org orrialdean eta ia 2.000 eskuratu dituzte dagoeneko.

Euskal Herrian ere, Baxoa euskaraz aldarri

Ipar Euskal Herrian euskaraz irakasten duen Seaskaren Bernat Etxepare Lizeoko ikasleek frantsesez erantzun behar dute azterketako zati gehienak. Haatik, historia, geografia eta matematikako ariketetan aukera dute euskaraz erantzuteko.

Baionako Bernat Etxepare lizeoko ikasleek Baxoa euskaraz egiteko eskubidea aldarrikatzeko hamaika ekimen, protesta eta mobilizazio egin dituzte azken urte luzeetan. 

BAK E BREZHONEG! Atzokoan matematikako baxoan erantzunak bretoiez eman zituzten 15 ikasleei nire sostengua adierazi nahi diet. Lagun bretoien ausardia azpimarratzen dut eta baxoa hizkuntza ttipitu guzietan behar dela aldarrikatu ere @EHIkastolak pic.twitter.com/L7qFI0I3Rz

— Koldo Tellitu (@KoldoTellitu) 2018(e)ko ekainaren 23(a)